Loading...

Arsenal Oo Gaartay Qiimihii Lagu Doonayay Thomas Lemar, Laakiin Waxaa Caqabad Ku Ah Saddex Koox

Arsenal ayaa ku dhow inay dalab afraad u dirto xiddiga Monaco Thomas Lemar, laakiin waxay tartan kala kulmi doonaan kooxaha Barcelona Liverpool iyo Manchester City.

Arsene Wenger ayaa ka ceyrsaneysan qaabka kooxdiisa ku wajahday saxiixa xiddiga reer France oo 21 jir ah xagaagan.

Monaco ayaa hore u lumisay ciyaartooyda Bernardo Silva, Tiemoue Bakayoko iyo Benjamin Mendy oo ku biiray kooxaha Premier League.

Si kastaba ha ahaatee, Arsenal ayaa weli ku rajo weyn saxiixa Thomas Lemar, inkastoo saddex dalab oo ay ka gudbiyeen laga soo diiday.

Sida laga soo xigtay Daily Mirror, Monaco ayaa ku dhegan qiimo £ 50m ah, Wenger ayaana diyaar u ah inu bixiyo qiimahaas.

Laakiin kooxda ka dhisan Faransiiska ayaa ka warqabta dagaalka in ay soo gashay Barcelona oo u aragta Lemar bedelka Neymar.

Ka dib markii Neymar ku biiray Paris Saint-Germain, Barcelona waxa ay heysataa qiimo £ 198m ah oo ay suuqa ku gasho xagaagan.

irror ayaa intaa kudartay in Barcelona soo gashay tartanka Thomas Lemar, xili Liverpool iyo Manchester City labaduba isha ku hayaan ciyaaryahanka.

City ayaa horay ugu soo qaadatay Monaco xiddigaha Silva iyo Mendy, oo kamid ahaa ciyaartooydii ka reebtay xilli ciyaareedkii hore tartanka Champions League.

Dhanka kale, Liverpool ayaa u aragta Thomas Lemar bedelka Philippe Coutinho oo kusii dhawaanaya Barcelona.

Laakiin tababaraha Monaco Leonardo Jardim ayaa ku dooday in kooxdiisa aysan fasixi doonin Thomas Lema.

Loading...

Fikradaha Akhristayaasha (0)


Comments are closed.

Loading...