Loading...

DHAGAYSO: Maxaad ka taqaan Musharaxa Madaxweynaha Somaliland Cabdiraxamaan Cirro.. ?

Cabdiraxman Maxamed Cabdillaahi gudooomiyaha xisbiga mucaaradka ah ee Waddani isla markaana ah murashaxa madaxweynaha wuxuu ku dhashay magaalada Hargeysa sanaddii 1955.
 
Markii waxbarashadiisii hoose iyo dhexe uu ku soo dhamaystay Burco , Berbera iyo Hargeysa wuxuu u wareegay dugsiga sare ee caanka ah ee magaalada sheekh oo uu dhamaystay 1977.
 
Cabdiraxman Maxamed Cabdillahi mudadii u dhaxaysay 1978 ilaa 1981 wuxuu ka soo shaqeeyay hay’ad la oran jiray horumarinta danwadaagaha ee muqdisho.
 
1981 ilaa 1988 wuxuu ahaa dibloomaasi xaruntii wasaaradda arimaha dibedda ee Soomaaliya , gaar ahaan waaxda iskaashiga dhaqaalaha . Cabdiraxmaan Maxamed Cabdillahi bishii May 1988 ilaa iyo 1996 wuxuu ahaa ku-xigeenka danjiraha iyo sii hayaha safaaradii somaliya ee dalka Ruusha ee Moosko.

Halkaan Hoose ka Dhagayso

 
Wuxuu markaa ka dib u guuray Cabdiraxmaan Cirro dalka Finlad oo uu joogay ilaa iyo 1999 oo uu ku soo labtay Somaliland. Sanadii 2000 Cabdiraxman Cirro wuxuu ka mid noqday Aasaasayaashii xisbiga mucaaradka ah ee UCID oo uu ku xigeenka xoghayaha guud ka soo noqday.
 
Doorashadii baarlamaanka Somaliland ee September 2005 ayaa uu Cabdiraxmaan Cirro ka mid noqday xubnihii laga soo doortay gobolka Saaxil ee Berbera . Kadibna waxaa baarllamaanku u doorteen Cabdiraxmaan Maxamed Cabdillahi gudoomiyaha baarlamaanka oo uu hayay 12 sano ilaa 2august2017 oo uu iska casilay.
 
Sanadii 2011 Cabdiraxman Cirro wuxuu aasaasay xisbiga mucaaradka ah ee Waddani kadib markii ay isku dhaceen oo maxkamad isla galeen gudoomiyaha xisbiga UCID.
 
Cabdiraxman Maxamed Cabdillahi wuxuu ku hadlaa luqadaha English , Carabi , Russian iyo Finish . Wuxuu ku haystaa shahaadada masterka ee MBA maamulka ee kulliyadii SIDAM , iyo diplom xallinta khilaafaadka ee jaamicadda hargeysa.
 
Cabdiraxman Maxamed Cabdillahi gudoomiyaha xisbiga mucaaridka ah ee Waddani ahna murashaxa jagada madaxweynuhu wuxuu leeyahay Xaas iyo shan caruur ah oo wiilal wada ah.
……………………………………………………………………………………………………
……………………………………………………………………………………………………

DAAWO: Maxaa Laga Filan Karaa Doorashada Somaliland Iyo Siyaasiga Ku Guuleysan Karo..?

Loading...

Fikradaha Akhristayaasha (0)




Loading...