Loading...

XOG CUSUB: Sheeko Xasaasi ah oo Qadka Telfoonka ku dhex martay R.W. Kheyre & Madaxweyne Xaaf..?

Saraakiil ka tirsan Madaxtooyada Galmudug ayaa wakaalada Warqaad.com u sheegay in Madaxweynaha Dowlad Goboleedka Galmudug Axmed Ducaale Geelle Xaaf uu qadka Telfoonka kula hadlay Ra’iisul wasaaraha Xukuumada Soomaaliya Xasan Cali kheyre.
 
Labadan masuul ayaa ka wada hadlay xiisada ka taagan deegaanada Galmudug iyo sida loo dajin karo, waxaana Ra’iisul wasaaraha uu u sheegay Madaxweyne Xaaf inay aad u taageersan yihiin xasilooni siyaasadeed oo ka dhalata Galmudug.
 
Madaxweyne Xaaf ayaa ku eedeeyay Ra’iisul wasaare Kheyre iyo Madaxweyne Farmaajo inay qeyb ka yihiin holaca siyaasadeed ee ka jira Cadaado, wuxuuna ugu hanjabay in lagu wada guban doono.
 
Xasan Cali Kheyre ayaa sheegay in Guddi ka socda dowlada Federaalka loo diri doono Cadaado si ay u kala dhex galaan Siyaasadaha is diidan, balse Xaaf ayaa ka soo horjeestay wuxuuna sheegay in garoonka diyaaradaha Cadaado laga celin doono hadii wafdigaas xamar laga soo diro.
 
Si kastaba ha ahaatee Xiisada Siyaasadeed ee Galmudug ayaa cirka isku sii shareereysa, waxaana si weyn loogu eedeynayaa inay hurineyso dowlada Federaalka Soomaaliya.
Loading...

Fikradaha Akhristayaasha (0)


Comments are closed.

Loading...